گاۋشېڭ 2026-يىلىنىڭ ئاخىرىدىكى ئالتۇن باھاسىنى ھەر ئۇنسىيەسىنىڭ 4900 ئامېرىكا دوللىرىدىن 4650 ئامېرىكا دوللىرىغا تۆۋەنلىتىدىغانلىقى، لېكىن 2027-يىلىنىڭ ئاخىرىدىكى ھەر ئۇنسىيەسىنىڭ 5400 ئامېرىكا دوللىرىلىق نىشانلىق باھاسىنى ساقلايدىغانلىقىنى مۆلچەرلىگەن.
تەھلىلچىلەر مۇنداق دەپ قارىغان: ئامېرىكا فېدېراتسىيە زاپاس پۇل كومىتېتىنىڭ پۇل سىياسىتىنىڭ چىڭىتىلىشى ئالتۇن باھاسىنىڭ قىسقا مۇددەتلىك ئۆرلەش رىتىمىنى ئاستىلىتىشى مۇمكىن، ئەمەلىي ئۆسۈم نىسبىتىنىڭ ئۆرلىشى دوللارنىڭ كۈچىيىشى بىلەن بېسىم پەيدا قىلىدۇ، لېكىن مەركىزىي بانكىنىڭ سىجىل ئالتۇن سېتىۋېلىش، تاشقى پېرېۋوت زاپىسىنىڭ كۆپ مەنبەلىشىش يۈزلىنىشى ئۆزگەرمىدى، بۇ يەنىلا ئالتۇننىڭ ئوتتۇرا، ئۇزاق مەزگىللىك ئىپادىسىگە تىرەك بولىدىغان يادرولۇق قۇرۇلما خاراكتېرلىك ئامىل.
ستاندارت بانكىسىنىڭ مەبلەغ سېلىش تاكتىكا ئۇستىسى Anthony Nab مۇنۇلارنى بىلدۈرگەن: بۇ بانكا يەنىلا ئالتۇننىڭ ئادەتتىن تاشقىرى تەقسىملىنىش دەرىجىسىنى ساقلاپ قالدى، لېكىن ئۈچ ئايدىن 12 ئايغىچە بولغان نىشان باھاسىنى تۆۋەنلەتتى:ئۈچ ئايلىق نىشاننى ھەر ئۇنسىيەنى 4350 دوللارغا تەڭشىدى، 12 ئايلىق نىشاننى ھەر ئۇنسىيەنى 4700 دوللارغا تەڭشىدى.
گەرچە قىسقا مۇددەت ئىچىدە ئۆسۈم نىسبىتى ۋە ئامېرىكا دوللىرىنىڭ بېسىمىغا دۇچ كەلگەن بولسىمۇ، ستاندارت بانكىسى ئالتۇن يەنىلا ئۆرلەشنى ئەسلىگە كەلتۈرۈش يوشۇرۇن كۈچىنى ھازىرلىغان، قۇرۇلمىلىق ئېھتىياج (مەركىزىي بانكىنىڭ ئالتۇن سېتىۋېلىش، مەبلەغ سېلىش ئېھتىياجى) تۆۋەنلەش بوشلۇقىنى چەكلەيدۇ، دەپ قارىغان.
بۇ بانكا مۇنداق دەپ كۆرسەتكەن:ھازىرقى باھا سەۋىيەسى ئۆسۈم قوشۇش كۆزلىمىسىنى قىسمەن ئەكس ئەتتۈردى، كېيىن ئەگەر ئېنېرگىيە باھاسى ياكى پۇل پاخاللىقى بېسىمى پەسەيسە، ئەمەلىي ئۆسۈم نىسبىتى يۇقىرى چەككە يەتسە، ئالتۇن باھاسىنىڭ ئەسلىگە كېلىشىنى كۈتۈۋېلىشتىن ئۈمىد بار.
