نەق مال ئالتۇن ئۇدا ئىككىنچى كۈنى ئېغىر سېتىش بېسىمىغا بەرداشلىق بەرگەن، جۈمە كۈنى (30-ئۆكتەبىر) ئاسىيا ۋاقتىدا 4000 دوللارلىق پىسخىكىلىق ئۆتكەلنىڭ ئاستىدا سودا قىلىنىپ، ئامېرىكا فېدېراتسىيە زاپاس پۇل كومىتېتىنىڭ ئۆسۈم ئۆستۈرۈش كۆزلىمىسىنىڭ بېسىمىغا ئۇچرىغان.
پەيشەنبە كۈنى ئامېرىكىنىڭ ماكرولۇق سانلىق مەلۇماتى ئىقتىسادنىڭ ئېشىشىنىڭ ئېلاستىكىلىقىنىڭ يېتەرلىك، باھا بېسىمىنىڭ سىجىل ئىكەنلىكىنى كۆرسىتىپ بېرىپ، بازارنىڭ 12-ئايدا ئۆسۈم قوشۇشقا بولغان مۆلچەرىنى مۇستەھكەملەپ، ئالتۇننى ئاجىزلاشتۇرۇپ، يەنىمۇ ئىلگىرىلىگەن ھالدا كۇرسى چۈشۈش ھۆكۈمىنى قوللىغان.
3 ـ پەسىلدىكى GDP نىڭ دەسلەپكى قىممىتىدە كۆرسىتىلىشىچە، ئامېرىكا ئىقتىسادىنىڭ يىللىق ئېشىش سۈرئىتى تېز بولۇپ% 3.4 كە يەتكەن، بۇ، ئالدىنقى پەسىلدىكى% 2.2 تىن يۇقىرى بولغان ھەم% 3.2 لىك ئورتاق تونۇش مۆلچەرىدىن ئېشىپ كەتكەن. ئامېرىكا سودا مىنىستىرلىقى يەنە دوكلات قىلىشىچە، 9 ـ ئايدا شەخسىي ئىستېمال چىقىمى (PCE) باھا كۆرسەتكۈچى ھالقىسىمان سېلىشتۇرما% 0.5 ئاشقان، بۇلتۇرقى ئوخشاش مەزگىلدىكىدىن% 3.6 ئاشقان. داۋالغۇشى بىرقەدەر چوڭ بولغان يېمەكلىك ۋە ئېنېرگىيە باھاسىنى چىقىرىۋەتكەندە يادرولۇق كۆرسەتكۈچ ھالقىسىمان سېلىشتۇرما% 0.3 ئاشقان، بۇلتۇرقى ئوخشاش مەزگىلدىكىدىن% 3.1 ئاشقان.
بۇنىڭغا ئامېرىكا دۆلەت زايومىنىڭ پايدا نىسبىتىنىڭ يۇقىرى بولۇشى ئېلىپ كەلگەن پۇل پاخاللىقى ئەندىشىسى قوشۇلۇپ، ئامېرىكا فېدېراتسىيە زاپاس پۇل كومىتېتىنىڭ سىياسەتنى يەنىمۇ چىڭىتىش ئىستىقبالىنى كۈچەيتكەن.
