ئىشقا ئورۇنلاشتۇرۇش دوكلاتى ئېلان قىلىنغاندىن كېيىن، بازارنىڭ ئامېرىكا فېدېراتسىيە زاپاس پۇل كومىتېتىنىڭ سىياسەت يولىغا بولغان مۆلچەرىدە كۆرۈنەرلىك ئۆزگىرىش بولغان. چىكاگو سودا ئورنىنىڭ Fed Watch قورالىغا ئاساسلانغاندا، سودىگەرلەر نۆۋەتتە ئامېرىكا فېدېراتسىيە زاپاس پۇل كومىتېتىنىڭ 12 ـ ئايدا ئۆسۈم قوشۇش ئېھتىماللىقى% 80 بولۇپ، يېزا ئىگىلىكىدىن باشقا ئىشقا ئورۇنلاشتۇرۇش دوكلاتى ئېلان قىلىنىشتىن بۇرۇنقى% 72.8 تىن يۇقىرى، ئۆتكەن ھەپتە تۆتتىكى تەخمىنەن% 67 لىك سەۋىيەدىن يۇقىرى بولغان. سودىگەرلەر يەنە ئامېرىكا فېدېراتسىيە زاپاس پۇل كومىتېتىنىڭ پۇل پاخاللىقىغا تاقابىل تۇرۇشتا ئۇدا بەش يىلدىن كۆپرەك ۋاقىت% 2 تىن يۇقىرى بولۇش نىشانىغا يەتكەن پەيتتە، كېيىنكى قېتىم شۇنداقلا بۇ نۆۋەتلىك ئەڭ ئاخىرقى بىر قېتىملىق ئۆسۈم قوشۇش ۋاقتىنىڭ كېلەر يىلى 4 ـ ئايغا ئالدىغا سۈرۈلۈشى مۇمكىنلىكىنى، بۇنىڭدىن ئىلگىرىكى مۆلچەرىنىڭ كېلەر يىلى 6 ـ ئاي ئىكەنلىكىنى مۆلچەرلىگەن. بۇ مۆلچەردىكى ئۆزگىرىش.ئالتۇنغا ھەقىقىي بېسىم پەيدا قىلدىكەن، چۈنكى تېخىمۇ يۇقىرى ئۆسۈم نىسبىتى ئۆسۈمسىز مۈلۈك ئالتۇننى ئىلكىدە تۇتۇش پۇرسەت تەننەرخىنىڭ ئۆرلىگەنلىكىدىن دېرەك بېرىدىكەن.
ئامېرىكا فېدېراتسىيە زاپاس پۇل كومىتېتى ئەمەلدارىنىڭ سۆزى ئۆسۈم قوشۇش كۆزلىمىسىنى يەنىمۇ كۈچەيتكەن. سان فىرانسىسكو بىرلەشمە زاپاس پۇل كومىتېتىنىڭ رەئىسى دەيلى زىيارەتنى قوبۇل قىلغاندا ئېنىق قىلىپ مۇنۇلارنى بىلدۈرگەن:«مۆلچەرىمچە، بىز سىياسەتنى يەنىمۇ چىڭىتىشىمىزغا توغرا كېلىدۇ. »ئۇ مۇنداق دەپ كۆرسەتكەن:ھازىرقى مۇقىم، ساغلام ئەمگەك كۈچى بازىرى ئەمەلىيەتتە ئامېرىكا فېدېراتسىيە زاپاس پۇل كومىتېتىنىڭ پۇل پاخاللىقىنى تىزگىنلەش ۋەزىپىسىنى ئورۇندىشىنى بوشلۇق ۋە شارائىت بىلەن تەمىنلىدى. دەيلى بۇ يىل فېدېراتسىيە ئاشكارا بازار كومىتېتى (FOMC) نىڭ بېلەت تاشلىغان ئەزاسى بولمىسىمۇ، لېكىن ئۇنىڭ كۆز قارىشى ئادەتتە كومىتېتنىڭ ئاساسىي ئېقىم پىكرى بىلەن بىردەك بولدى.
سان لۇئىس بىرلەشمە زاپاس ساقلاش رايونىنىڭ رەئىسى مۇسالېممۇ مۇنداق دېگەن: تەۋەلىكتىكى كارخانىلار بىلەن پىكىر ئالماشتۇرغاندا، پۇل پاخاللىقى يەنىلا ئەڭ دىققەت قوزغايدىغان مەسىلە، ئۇ ئۆسۈم نىسبىتىنى يەنىمۇ ئۆستۈرۈشنى تەشەببۇس قىلدى ھەم «بىزنىڭ ئىقتىسادنى ئاشۇرۇش ۋە ئىشقا ئورۇنلاشتۇرۇش ئۈچۈن قىلالايدىغان ئەڭ ياخشى ئىشىمىز پۇل پاخاللىقىنى ۋاقتىدا تۆۋەنلىتىش»دېدى.
