نېفىت باھاسى چوڭ نىسبەتتە ئۆرلىدى

FX168 مالىيە-ئىقتىساد گېزىتى خەۋىرى، ئىلكان تورى تەرجىمىسى: چارشەنبە كۈنى ئاسىيا بازىرىدا خەلىقئارا نېفىت باھاسى قىسقا ۋاقىت ئىككى يىلدىن بۇيانقى يۇقىرى نۇقتىدىن تۆۋەنلىدى ، سەۋەبى بېيخەي نېفىت يەتكۈزۈش تۇرۇبىسى تەدرىجىي ئەسلىگە كېلىپ، لىۋىيە تەمىنلەش قىسقا ۋاقىت توختاپ قالغانلىق تەسىرىنى تۆۋەنلەتكەن . بىراق ،يېقىندا ئارقا - ئارقىدىن يۈز بەرگەن ئىككى قېتىملىق نېفىت بىلەن تەمىنلەش ئۈزۈلۈپ قالغان ئەھۋالى ، دۇنيادىكى نېفىت بازىرىدا جىددىي كەيپىيات پەيدا قىلدى .

چارشەنبە كۈنى برېنىت قەرەللىك نېفىت باھاسى 0.5% تۆۋەنلەپ ، 66.12 دوللار\باك بولدى ، ئامېرىكاWTI قەرەللىك نېفىت باھاسى 0.4% تۆۋەنلەپ ،59.72 دوللار\باك بولدى. سەيشەنبە كۈنى مۇناسىۋەتلىك كىشىلەرنىڭ ئاشكارلىشىچە لېۋىيەگە تەۋە بولغان نېفىت شىركىتىنىڭ نېفىت ئاققۇزۇش تۇربۇسى پارتىلاپ كېتىپ ، شۇ كۈنى برېنىت قەرەللىك نېفىت باھاسى 2.7% ئۆرلەپ ، 67 دوللار\باك بولدى ، ھەمدە 2015يىلى5 ئايدىن بۇيانقى تۇنجى قېتىم چوڭ نىسبەتتە ئۆرلەش بولدى ، ئامېرىكا WTI قەرەللىك نېفىت باھاسى 2.6% ئۆرلەپ ، بىر مەھەل 60 دوللاردىكى چوڭ توسالغۇنى بۇزۇپ ، قايتىدىن ئىككى يىلدىن بۇيانقى يېڭى يۇقىرى نۇقتىنى ياراتتى .

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.