خەلقئارا ۋەزىيەتنىڭ جىددىيلىشىشى پۇل-مۇئامىلە بازىرىدا قاتتىق داۋالغۇش پەيدا قىلدى

FX168 مالىيە-ئىقتىساد گېزىتى خەۋىرى، ئىلكان تورى تەرجىمىسى: خەلقئارا نەق ئالتۇن باھاسى پەيشەنبە كۈنى (8-ئاينىڭ 10-كۈنى) داۋاملىق ئۆرلىدى، ئامېرىكا بازىرىدا ئالتۇن باھاسى ئەڭ يۇقىرى بولغاندا 1287.73 دوللارغا چىقتى، ئىككى ئايدىن بۇيانقى يۇقىرى باھا ۋە 6-ئاينىڭ 8-كۈنىدىن بۇيانقى يۇقىرى سەۋىيىگە چىقتى. پەيشەنبە كۈنى ئامېرىكا بىلەن چاۋشىيەن ئوتتۇرسىدىكى توقۇنۇش يەنىمۇ كۈچىيىپ، پۇل-مۇئامىلە بازىرىدا قاتتىق داۋالغۇش بولدى، ئامېرىكىدىكى ئۈچ چوڭ پاي كۆرسەتكۈچى قاتتىق تۆۋەنلىدى، «ۋەھىمە كۆرسەتكۈچى» VIX %30 يۇقىرىلىدى، 5-ئاينىڭ 18-كۈنىدىن بۇيان ئەڭ يۇقىرى سەۋىيىگە چىقتى. ئاسىيا-ياۋرۇپا پايچەك بازىرى پەيشەنبە كۈنى پۈتۈن لېنىيىلىك تۆۋەنلىدى. شياڭگاڭ پايچېكى بىردىنلا 450 نۇقتا تۆۋەنلەپ 9 ئايدىن بۇيانقى ئەڭ چوڭ چۈشۈش نىسبىتىنى ياراتتى. كورىيە ۋە شاڭخەي پاي كۆرسەتكۈچى ۋە پاي بازىرى %1 تۆۋەنلىدى. ياۋرۇپا پايچەك بازىرى ئومۇميۈزلۈك تۆۋەنلىدى. MSCI يەرشارى كۆرسەتكۈچى(MSCI All-Country World Index) %0.2 تۆۋەنلەپ، ئىككى ھەپتىدىن بۇيانقى ئەڭ تۆۋەن سەۋىيىگە چۈشتى. مەبلەغ سالغۇچىلار تەلۋىلەرچە ئالتۇنغا مەبلەغ سالدى. يېقىندا ئېلان قىلىنغان ئامېرىكا سانلىق مەلۇماتى نىسبەتەن ئاجىز بولغاچقا، ئامېرىكىنىڭ 7-ئايلىق PPI سېلىشتۇرما نىسبىتى 11 ئايدىن بۇيان تۇنجى قېتىم %0.2 تۆۋەنلىدى، بۇ يېقىنقى بىر يىلدىن بېرى پۇل پاخاللىقىنىڭ ئاستا بولغانلىقىنى چۈشەندۈرىدۇ. ئامېرىكىنىڭ 8-ئاينىڭ 5-كۈنىگىچە شۇ ھەپتىلىك دەسلەپكى ئىشسىزلىق پۇلى سانى 244 مىڭ كىشى بولۇپ، ئالدىنقى قىممەت ۋە مۆلچەردىكىدىن يۇقىرى بولدى.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.