ھىندىستاننىڭ 2-ئايدىكى نېفىت ئىشلەپچىقىرىش مىقدارى ئازايدى

FX168 ئىقتىساد گېزىتى خەۋىرى ئىلكان تورى تەرجىمىسى: ئەنگىلىيە نېفىت مىنىستىرلىقىنىڭ بايرىقى ئاستىدىكى Petroleum Planning & Analysis Cell نىڭ 3-ئاينىڭ 22-كۈنى ئېلان قىلغان دەسلەپكى سانلىق مەلۇماتىدا كۆرسىتىلشىچە، ھىندىستاننىڭ بۇ يىل 2-ئايدىكى نېفىت ئىشلەپچىقىرىش مىقدارى تۆۋەنلەپ 2 مىليۇن 800 مىڭ باكقا چۈشكەن، چۈشۈش دائىرىسى %3.4 بولغان، شۇنىڭ بىلەن بىر ۋاقىتتا تەبىئىي گاز ئومۇمىي ئىشلەپچىقىرىش مىقدارى %2 چۈشۈپ، 2 مىليارد 520 مىليۇن كۇپ مېتىر بولغان.
سانلىق مەلۇماتلاردا كۆرسىتىلىشىچە، ھىندىستان نېفىت تەبىئىي گاز شىركىتىنىڭ بۇ يىل 2-ئايدىكى نېفىت ئىشلەپچىقىرىش مىقدارى 1 مىليۇن 400 مىڭ باكقا چۈشكەن، بۇلتۇر ئوخشاش مەزگىلدە 1 مىليۇن 500 مىڭ باك بولغان؛ لىكىن تەبىئىي گاز ئىشلەپچىقىرىش مىقدارى كۆپىيىپ، 1 مىليارد 770 مىليۇن كۇپ مېتىرغا يەتكەن، بۇلتۇر ئوخشاش مەزگىلدە 1 مىليارد 730 مىليۇن كۇپ مېتىر بولغان.
بۇنىڭدىن باشقا يەنە ھىندىستاندىكى نېفىت ئايرىش زاۋۇتىنىڭ خام نېفىت بىر تەرەپ قىلىش مىقدارى ئوخشاش مەزگىلدىكىدىن %2 چۈشكەن بولۇپ، 19 مىليۇن 100 مىڭ باك بولغان؛ ھىندىستان نېفىت پىششىقلاپ ئىشلەش مىقدارى 530 توننا بولغان، بۇ ئوخشاش مەزگىلدىكىدىن %3.9 ئاشقان؛ ھىندىستاننىڭ 2-ئايدىكى سۇيۇقلاندۇرۇلغان تەبىئىي گاز ئىكىسپورت مىقدارى %18 ئۆرلەپ، 2 مىليارد 130 مىليۇن كۇپ مېتىرغا يەتكەن.
ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.