نېفىت باھاسى چۈشۈش يۆلىنىشىنى ئاساس قىلدى

FX168ئىقتىساد گېزىتى خەۋىرى ئىلكان تورى تەرجىمىسى: چارشەنبە كۈنى خەلىقئارا نېفىت باھاسى تۈنۈگۈن كەچتىكى چۈشۈش يۆلىنىشىنى داۋاملاشتۇردى ، بۇنىڭ ئىچىدە ئامېرىكا WTIقەرەللىك نېفىت باھاسى تۆۋەنلەپ ، تۆۋەنلەش پىرسەنتى %1دىن ئىشىپ كەتتى ، ئاساسلىق سەۋەبى ئامېرىكا نېفىت زاپاس مىقدارى ئاشتى ، ئۇنىڭ ئۈستىگە جۇڭگونىڭ نېفىتقا بولغان ئېھتىياجى تۆۋەنلىدى . يەنە بەزى ئالامەتلەردىن كۆرۋىلىشقا بۇلىدۇكى ، ئامېرىكا سلانېتس مېيى مەھسۇلات مىقدارىنىڭ قايتا ئىشىپ كېتىش ئالامەتلىرى روشەن ئىپادىلەنگەنلىكتىن ، نېفىت بازىرىنىڭ ئەندىشە قىلىش كەيپىياتى كۈچەيدى ، شۇنىڭ بىلەن بىرگە دوللار باھاسىنىڭ ئۆرلەش ۋەزىيىتىمۇ يەنىلا نېفىت باھاسىغا چۈشۈش بېسىمى ئىلىپ كەلدى ، بىراق ئىراق قاتارلىق دۆلەتلەر يەنىلا نېفىت ئىشلەپچىقىرىشنى كېمەيتىش ھەرىكىتىدە ئىپادىسىنى ياخشى قىلغانلىقتىن ، نېفىت باھاسىنى بەلگىلىك تىرەش بىلەن تەمىنلىدى .چارشەنبە كۈنى ئامېرىكا WTIقەرەللىك نېفىت باھاسى %1.23تۆۋەنلەپ ، 51.53دوللار/باك بولدى ، ئالدىنقى سودا كۈنى%1.25تۆۋەنلىدى ، برېنىت قەرەللىك نېفىت باھاسى %0.94تۆۋەنلەپ ،54.54دوللار/باك بولدى ، ئالدىنقى سودا كۈنى %0.94تۆۋەنلىدى .

API ئېلان قىلغان سانلىق مەلۇماتتا كۆرسىتىلىشىچە ، 2-ئاينىڭ 3-كۈنى شۇ ھەپتە ، ئامېرىكا نېفىت زاپاس مىقدارى 1420مىڭ باك ئىشىپ ،5.036يۈز مىليون باك بولدى ، بازار ئانالىزچىسى ئالدىن مۆلچەرىدىن 250مىڭ باك ئاشتى . ئالدىنقى ھەپتە بېنزىن زاپاس مىقدارى 290مىڭ باك ئىشىپ ، تەكشۇرۇلۈشچە بازار ئانالىزچىسى ئالدىن مۆلچەرىدىن 110مىڭ باك ئىشىپ كەتكەن .

ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.