نېفىت باھاسى كىچىك دائىرىدە تۆۋەنلىدى

FX168ئىقتىساد گېزىتى خەۋىرى ئىلكان تورى تەرجىمىسى: چارشەنبە كۈنى ئاسىيا بازىرىدا نېفىت باھاسى كىچىك دائىرىدە تۆۋەنلىدى ، ئاساسلىق سەۋەبى كەسپىي سانلىق مەلۇماتلاردا كۆرسىتىلىشىچە ،ئامېرىكا ئالدىنقى ھەپتىلىك نېفىت زاپاس مىقدارى ئاشقان . گەرچە نېفىت ئېكىسپورت قىلغۇچى دۆلەتلەر OPECتەشكىلات نېفىت ئىشلەپچىقىرىشنى كېمەيتىش ھەرىكىتىنى يۈرگۈزۈۋاتقان بولسىمۇ ، لېكىن ھازىر نېفىت بىلەن تەمىنلەش يەنىلا يۇقىرى ئۇرۇندا تۇرۇپ ، نېفىت بازىرىغا بېسىم ئېلىپ كەلدى . بىراق ، يېقىندا نېفىت باھاسى يەنىلا تار دائىرىدە تەۋرەندى.

چارشەنبە كۈنى برېنىت قەرەللىك نېفىت باھاسى %0.36تۆۋەنلەپ ، 55.38دوللار/باك بولدى ، ئامېرىكاWTIقەرەللىك نېفىت باھاسى %0.30تۆۋەنلەپ ،52.65دوللار/باك بولدى . 1-ئايدا بېرنىت قەرەللىك نېفىت باھاسى ۋە ئامېرىكا قەرەللىك نېفىت باھاسى تەخمىنەن%2تۆۋەنلىدى .

ئامېرىكا نېفىت ئىلمىي جەمئىيىتى (API) سەيشەنبە ( 1-ئاينىڭ31-كۈنى) ئېلان قىلغان دوكلاتتا مۇنداق دېيىلدى : 1-ئاينىڭ27-كۈنى شۇ ھەپتە ، ئامېرىكا نېفىت زاپاس مىقدارى 5 مىليون 830 مىڭ باك ئىشىپ ، ئۇمۇمىي قىممىتى 488 مىليون باك بولدى ، بۇلتۇر 10 - ئايدىن بۇيان ھەپتىلىك ئېشىش نىسبىتى چوڭ بولۇپ ، بازار ئانالىزچىللىرى ئالدىن مۆلچەرىدىن 3 مىليون 300 مىڭ باك ئاشتى .

ئامېرىكا ئېنېرگىيە ئۇچۇر مەھكىمىسى <(EIA)> سەيشەنبە كۈنى ئېلان قىلغان ئايلىق دوكلاتتا مۇنداق دېيىلدى : 2016-يىلى 11-ئايدا ئامېرىكا نېفىت مەھسۇلات مىقدارى ھەر كۈنىگە 105 مىڭ باك ئىشىپ ، ئومۇمىي قىممىتى ھەر كۈنىگە 890.4مىڭ/باك بولۇپ ، بۇلتۇر 4-ئايدىن بۇيانقى ئەڭ يۇقىرى سەۋىيىگە يەتتى ،10-ئايدا تەڭشەش ئىلىپ بارغاندىن كېيىن ھەر كۈنىگە879.9مىڭ /باك بولدى .

ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.