نېفىت بازىرىنىڭ نۆۋەتتىكى دېققەت نۇقتىسى

سەيشەنبە كۈنى خەلقئارا نېفىت باھاسى كىچىك دائىرىدە ئۆرلىدى ، چۈنكى نېفىت ئېكسپورت قىلغۇچى دۆلەتلەر تەشكىلاتى OPEC نىڭ ئايلىق دوكلاتىدا كۆرسىتىلىشىچە 8‏-ئايلىق نېفىت مەھسۇلات مىقدارىنىڭ تۆۋەنلىشى ، نېفىت ئىشلەپچىقىرىش كېمەيتىش ھەرىكىتى بازاردىكى تەمىنلەش ئېھتىياجدىن ئېشىپ كېتىش مەسىلىسىنى ياخشىلاشقا ياردەم قىلىۋاتقانلىقىنى بىلدۈردى ، شۇنىڭ بىلەن بىر ۋاقىتتا دوللارنىڭ ئۆرلىشىنىڭ توسالغۇغا ئۇچرۇشىمۇ نېفىت باھاسىغا تېرەش ئېلىپ كەلدى . ئامېرىكا WTI قەرەللىك نېفىت باھاسىنىڭ يۇقىرى باھاسى 48.44 دوللار\باك بولدى ، برېنت قەرەللىك نېفىت باھاسىنىڭ يۇقىرى باھاسى 54.42 دوللار\باك بولدى .

OPEC ئەڭ يېڭى ئايلىق دوكلاتىنى ئېلان قىلغان بىلەن بىر ۋاقىتتا مۇنۇلارنى كۆرسەتتى ، 2018‏-يىلى نېفىت بازىرىنىڭ OPEC تەشكىلاتىنىڭ نېفىتىغا بولغان ئېھتىياجى ئۆرلەيدىكەن. بۇنىڭدىن باشقا ئىككى قېتىملىق قارا بوران ئامېرىكېنىڭ نېفىت ئېھتىياجىغا بولغان ئىپادىسىگە تەسىر يەتكۈزدى .

بازار قارا بوران ئەيېرمانى ، خارۋې ئۆتۈپ كەتكەندىن كېيىنكى نېفىت ئايرىش زاۋۇتىنىڭ ئىشلەپ چىقىرىشنى ئەسلىگە كەلتۈرۈش ئەھۋالىغا تەسىر يەتكۈزىشى مۇمكىن دەپ قارايدىكەن .

ئايلىق دوكلاتىدا ئىپادىلىشىچە OPEC تەشكىلاتى ئەزا 14 نېفىت ئىشلەپ چىقارغۇچى دۆلەتنىڭ 8‏-ئايلىق ئومۇمى مەھسۇلات مىقدارىغا سېلىشتۇرغاندا كۈنىگە 79000 مىڭ باك تۆۋەنلەپ ، كۈنىگە 32 مىليون 76000 باك بولۇپ ، ئېھتىياجنىڭ مۆلچەرىدىن تۆۋەن بولغان .

OPEC باش كاتىپى (Mohammed Barkindo) تۆنۈگۈن نۇتىقىدا مۇنداق دېدى ، نېفىت ئىشلەپ چىقىرىش كېمەيتىش ھەرىكىتى ھازىر بازارنى تەڭپۇڭلاشتۇرۇشقا ياردەم قىلىۋاتىدۇ ، شۇنىڭ بىلەن بىر ۋاقىتتا نېفىت ئېھتىياجىنىڭ كۈچلۈك بولىشى يەنە بىر قەدەم نېفىت زاپاس مىقدارىنى ئازايتتى .

OPEC تەشكىلاتى ئوخشاش بىر ۋاقىتتا كۆرسۈتۈپ بېرىشىچە ، نېفىت زاپاس مىقدارى ئازىيىشقا باشلاپتۇ ، ھەم برېنت قەرەللىك نېفىتى يېقىنقى مەزگىلدىكى توختام باھاسى يۇقىرى كۆتۈرلۈپ ، يەنىمۇ نېفىت بازىرىنىڭ تەڭپۇڭلاشقانلىقىدىن بىشارەت بەردى.

يەنە بىر تەرەپتىن، نېفىت بازىرىنىڭ ھازىر پۈتتۈن دېققىتى ، ئامېرىكا قارا بوران ھاۋا كېلىماتى نېفىت زاپاس مىقدارىغا قانداق تەسىر يەتكۈزىدىغانلىقىغا تەسىر يەتكۈزىۋاتىدۇ . ئامېرىكا نېفىت ئىلمىي جەمئىيىتى API ۋە ئامېرىكا ئېنېرگىيە مەھكىمىسى EIA بۈگۈن ئايرىم‏-ئايرىم ھالدا ئالدىنقى ھەپتىلىك نېفىت زاپاس مىقدارى دوكلاتىنى ئېلان قىلىدۇ .

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.