گوللاندىيە خەلقئارا بانكىسى: سودا سۆھبىتى قاتمال ۋەزىيەتكە چۈشۈپ قېلىشى مۇمكىن

گوللاندىيە خەلقئارا بانكىسى جۇڭخۇا رايونىنىڭ ئىقتىسادشۇناسى Iris نىڭ قارىشىچە، جۇڭگو-ئامېرىكا سودا نىزاسىنىڭ قاتمال ۋەزىيەتكە چۈشۈپ قېلىش ئېھتىمالغا يېقىن ئىكەن. جۇڭگو-ئامېرىكا ئىككىلا دۆلەتنىڭ تاموژنا بېجىنى قايتۇرۇۋىلىش ئېھتىماللىقى تۆۋەن ئىكەن، چۈنكى بۇ ئامېرىكا ئىقتىسادىدىكى ئومۇمىي سودا تەتۈر پەرقىنى ئۆزگەرتەلمەيدىكەن. جۇڭگو-ئامېرىكا سودا سۆھبىتىنىڭ نەتىجىسى يوق دىيەرلىك بولۇپ، بۇ سودىغا مۇناسىۋەتلىك بولغان تارماقلار مەسىلەن ئوبوروت مۇلازىمىتى ۋە ئالاقىدار ياسىمىچىلىق پائالىيەتلىرى ئۈچۈن پايدىسىز ئىكەن. ئەمما جۇڭگو يۇقىرى پەن-تېخنىكا تارماقلىرىغا بولغان سېلىنمىنى ئاشۇرۇش ئارقىلىق، ساپ ئېكسپورت ۋە ئالاقىدار ئىقتىسادىي پائالىيەتلەرنىڭ زىيىنىنى تۆۋەنلىتىدىغان بولغاچقا، سودا نىزاسى كەلگۈسى ئىككى يىلدا جۇڭگو GDP قىممىتىنىڭ ئېشىشىغا چوڭ تەسىر كۆرسىتەلمەيدىكەن.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.