2015-يىلى شىنجاڭدىكى رايون ئىچى تولۇقسىز سىنىپلىرىغا كېڭەيتىپ ئوقۇغۇچى قوبۇل قىلىنىدۇ

مۇخبىرنىڭ يېقىندا ئېچىلغان 2015–يىللىق ئىچكىرى ئۆلكە (شەھەر) دىكى شىنجاڭ تولۇق ئوتتۇرا سىنىپلىرىدىكى ئوقۇغۇچىلارنى تەربىيەلەپ يېتىشتۈرۈش يىغىنىدىن ئىگىلىشىچە، ئاپتونوم رايونىمىز بۇ يىل رايون ئىچى تولۇقسىز ئوتتۇرا سىنىپلىرىغا ئوقۇغۇچى قوبۇل قىلىشنى بۇلتۇرقى 10 مىڭ ئاساسىدا يەنىمۇ كېڭەيتىدىكەن.

ئىگىلىنىشىچە، شىنجاڭدىكى دېھقانچىلىق، چارۋىچىلىق رايونلىرى ۋە چەت، نامرات رايونلارنىڭ مائارىپ تەرەققىيات سەۋىيەسىنى يۇقىرى كۆتۈرۈپ، تېخىمۇ كۆپلىگەن دېھقان-چارۋىچىلار پەرزەنتلىرىنى ئەلگە نەپ يەتكۈزۈش سىياسىتىدىن بەھرىمەن قىلىش ئۈچۈن، بۇ يىل رايون ئىچى تولۇقسىز ئوتتۇرا سىنىپلىرىغا ئوقۇغۇچى قوبۇل قىلىش پىلانى كېڭەيتىلىدىكەن. بۇ يىلنىڭ كېيىنكى يېرىمىدا ئاپتونوم رايونىمىز 7-قېتىملىق ئىچكىردىكى ئالىي مەكتەپلەرنىڭ شىنجاڭدىكى ئاز سانلىق مىللەتلەرنى تەربىيەلەش ھەمكارلىق پىلانىغا ئاساسەن، ئوقۇغۇچى قوبۇل قىلىش پىلانى ھازىرقى 7000 ئادەم ئاساسىدا يەنىمۇ كېڭەيتىلىدىكەن.