ئۈرۈمچىدە يېڭىدىن سېلىنغان تۇرالغۇ ئۆي باھاسى ئۆستى

ئاسىيا مەركىزى تورى خەۋىرى: دۆلەت ئىستاتېستىكا ئىدارىسى 12-ئاينىڭ 18-كۈنى پۈتۈن مەملىكەتتىكى چوڭ ئوتتۇرا شەھەرلەرنىڭ 11-ئايلىق تۇرالغۇ باھاسى ئۆزگىرىش سانلىق مەلۇماتىنى ئېلان قىلدى، بۇنىڭ ئىچىدە ئۈرۈمچىنىڭ يېڭىدىن سېلىنغان تاۋار ئۆي باھاسى ئالدىنقى ئايدىكىدىن %1.9 ئۆسكەن بولۇپ، يىل ئىچىدىكى يۇقىرى سەۋىيىنى ياراتقان.
سانلىق مەلۇماتتا كۆرسىتىلىشىچە، 11-ئايدا ئۈرۈمچىنىڭ يېڭىدىن سېلىنغان تاۋار ئۆي باھاسى ئالدىنقى ئايدىكىدىن %1.9 ئاشقان، بۇلتۇرنىڭ ئوخشاش مەزگىلىدىكىدىن %6 ئاشقان؛ نىمكەش ئۆي باھاسى ئالدىنقى ئايدىكىدىن %1.8 ئاشقان، بۇلتۇرنىڭ ئوخشاش مەزگىلىدىكىدىن %8.6 ئاشقان. ھازىرغىچە ئۈرۈمچىنىڭ يېڭىدىن سېلىنغان تۇرالغۇ ئۆي باھاسى ئۇدا 10 ئاي ئاشقان بولۇپ، 11-ئايدا ئېشىش نىسبىتى ئەڭ يۇقىرى بولغان. بۇ يىل كىرگەندىن بۇيان، ئۈرۈمچىنىڭ ئۆي-مۈلۈك بازىرىدا تەمىنلەش ۋە ئېھتىياج تەڭلا ئاشقان بولۇپ، ئۆي باھاسى ئۆرلىگەن بولسىمۇ، ئەمما تاۋار ئۆيلەرنىڭ سېتىلىش مىقدارىمۇ ئاشقان. ھەر ئايدا ئىمزالانغان توختام 2- ۋە 3- ئايدىكى 3000~2000 يۈرۈشتىن، ھازىرقى 5000 يۈرۈشكە كۆپەيگەن. نىمكەش ئۆيلەرنىڭ سېتىلىش ئەھۋالىمۇ ئالدىنقى يىللاردىكىگە قارىغاندا ياخشى بولغان.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.