مەبلەغ سالغۇچىلار ئامېرىكىنىڭ سىياسىي ۋەزىيىتىگە ناھايىتى كۆڭۈل بۆلمەكتە

FX168 مالىيە-ئىقتىساد گېزىتى خەۋىرى، ئىلكان تورى تەرجىمىسى: ئالدىنقى ھەپتە ئامېرىكا دوللىرىنىڭ كۇرسى شىددەت بىلەن چۈشتى، ئاساسلىق سەۋەبى ئامېرىكا زۇڭتۇڭى تىرامپنىڭ «رۇسيە بىلەن بولغان ئالاقىسى»دىن «مەخپىيەتلىكىنىڭ ئاشكارلىنىشى» غىچە بولغان ئارىلىقتا، ئامېرىكىدا سىياسىي بوران-چاپقۇن تۈگىمىدى، ھەتتا تىرامپنى ئەيىپلەش سادالىرى ئەۋج ئالدى. بۇ ھەپتە پۇل-مۇئامىلە بازىرىدا ئامېرىكا فېدېراتسىيە زاپاس پۇل كومىتېتىنىڭ نۇرغۇن ئەمەلدارلىرى پىكىر بايان قىلدى. ئامېرىكا فېدېراتسىيە زاپاس پۇل كومىتېتى يىغىنىنىڭ خاتىرىسى، ئامېرىكىنىڭ ئىچكى ئىشلەپچىقىرىش ئومۇمىي قىممىتى قاتارلىق سانلىق مەلۇماتلىرى مۇھىم نۇقتىنى ئىقتىسادنىڭ ئاساسىي ئەھۋالىغا قاراتتى. ئەمما، مەبلەغ سالغۇچىلار يەنىلا ئامېرىكىنىڭ سىياسىي ۋەزىيىتىگە ناھايىتى كۆڭۈل بۆلۈۋاتقان بولۇپ، ھەرقانداق بىر شەپىمۇ ئامېرىكا دوللىرىنىڭ پېرىۋوت نىسبىتىگە تەسىر كۆرسىتىشى مۇمكىن.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.