نېفىت مەھسۇلات مىقدارى تۆۋەنلىدى

ئامېرىكا ئالدىنقى ھەپتىلىك نېفىت مەھسۇلات مىقدارى تۆۋەنلىگەنلىك سەۋەبىدىن ، دۇنيادىكى تەمىنلەش ئېھتىياجدىن ئېشىپ كېتىش ئەندىشىسى قىسقا ۋاقىت ھەل بولدى . پەيشەنبە كۈنى خەلىقئارا نېفىت باھاسى ئالتە سودا كۈندىكى ئۆسۈش يۆلىنىشىنى ئۇدا داۋاملاشتۇردى ، بۇ يەنىلا 4 ئايدىن بۇيانقى ئۆسۈش يۆلىنىشىنى ئەڭ ئۇزۇن داۋاملاشتۇرغان ھەپتە بولدى .

پەيشەنبە كۈنى ئامېرىكا WTI قەرەللىك نېفىت باھاسى 0.19 دوللار ئۆرلەپ ، 44.93 دوللار\باك بولدى ، ھەم چۈشتىن بۇرۇنقى سودا ۋاقتىدا 45.45 دوللار ئەتراپىغا ئۆرلەپ ،ئىككى ھەپتىدىن بۇيانقى يۇقىرى ئورۇننى ئىگىلىدى . شۇنىڭ بىلەن بىرگە ، برېنىت قەرەللىك نېفىت باھاسى 0.11 دوللار ئۆرلەپ ، 47.42 دوللار\باك بولدى . OPEC تەشكىلات ۋە رۇسىيە قاتارلىق OPEC ئەزا بولمىغان نېفىت ئىشلەپچىقارغۇچى دۆلەتلەر 5-ئاينىڭ 25-كۈنى نېفىت مەھسۇلات مىقدارىنى چەكلەش كېلىشىم يۈرگۈزۈلۈش مۇددىتىنى كېلەركى يىلنىڭ بىرىنچى پەسىلىگىچە ئۇزارتىش قارارىنى ئېلان قىلغاندىن كېيىن ، نېفىت باھاسى ئۆرلىمەي ئەكسىچە تۆۋەنلىدى ، ھەم ئالدىنقى ھەپتە 10 ئايدىكى تۆۋەن ئورۇنغا چۈشتى . بىراق ، كىيىن نېفىت باھاسى %5 ئەتراپىدا ئۆرلەپ ، 4 ئايدىن بۇيانقى ئەڭ ئۇزۇن ئۆرلەش مەزگىلىنى ياراتتى .

ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.