نېفىت باھا يۆلىنىشى قىيىنچىلىققا دۇچ كەلدى

FX168ئىقتىساد گېزىتى خەۋىرى ئىلكان تورى تەرجىمىسى: پەيشەنبە كۈنى خەلىقئارا نېفىت باھاسى كىچىك دائىرىدە تۆۋەنلەپ ، تۆت ئايدىن بۇيانقى تۆۋەن ئورنىنى ئەسلىگە كەلتۈرۈش يولىدا قاتمۇقات قىيىنچىلىققا دۇچ كەلدى ، ئاساسلىق سەۋەبى ئامېرىكا نېفىت زاپاس مىقدارى ئۇدا يۇقىرى ئورنىنى ساقلاپ ، نېفىت باھاسىغا پايدىسىز ئامىل ئېلىپ كەلدى ، ھەم نېفىت ئېكىسپورت قىلغۇچى دۆلەتلەر OPEC تەشكىلات نېفىت ئىشلەپچىقىرىشنى كېمەيتىش ھەرىكىتىنىڭ نېفىت باھاسىغا ئېلىپ كەلگەن بەلگىلىك تىرەش رولىنىڭ يوقاپ كېتىشىدىن نېفىت بازىرى يەنىلا ئەندىشە قىلدى ، شۇنىڭ بىلەن بىر ۋاقىتتا ، دوللار باھاسى مۇقىم ئۆرلىگەنلىكتىن يەنىلا نېفىت باھاسىنىڭ چۈشۈش بېسىمىنى كۈچەيتتى . ئامېرىكا WTI قەرەللىك نېفىت باھاسى تۆۋەن باھا 47.59 دوللار/باك بولدى ، برېنىت قەرەللىك نېفىت باھاسى تۆۋەن باھا 50.26 دوللار/باك بولدى.
برېنىت قەرەللىك نېفىت باھاسى يىل ئىچىدە ئەڭ يۇقىرى 58 دوللار/باك ئەتراپىغا ئۆرلىدى ، OPEC ۋە OPEC ئەزا بولمىغان نېفىت ئىشلەپچىقارغۇچى دۆلەتلەر ھەمكارلىشىپ ھاسىل قىلغان نېفىت ئىشلەپچىقىرىشنى كېمەيتىش ھەرىكىتى بۇ يىل يۈرگۈزۈلگەندىن بۇيان نېفىت باھاسىغا كۈچلۈك تىرەش ئېلىپ كەلدى . گەرچە OPEC ئەزا بولغان دۆلەتلەر نېفىت ئىشلەپچىقىرىشنى كېمەيتىش ھەرىكىتىنى تولۇق ئورۇنداپ بولغان بولسىمۇ ، ئەمما OPEC ئەزا بولمىغان نېفىت ئىشلەپچىقارغۇچى دۆلەتلەر نېفىت ئىشلەپچىقىرىشنى كېمەيتىش ھەرىكىتىنى ئىجرا قىلىش نىسبىتى يەنىلا تۆۋەن بولدى .

ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.