OPEC نىڭ نېفىت ئىشلەپچىقىرىش مىقدارى يەنە كېمەيدى

FX168 ئىقتىساد گېزىتى خەۋىرى ئىلكان تورى تەرجىمىسى: ئەنگىلىيە مەسلىھەتچىلىك ئاپپاراتى نىڭ 3-ئاينىڭ 23-كۈنى بىلدۈرىشىچە، 4- ئاينىڭ 8-كۈنىگىچە بولغان 4 ھەپتىنىڭ ئىچىدە ئانگولا، ئىكۋادور ۋە گابوننى ئۆز ئىچىگە ئالمىغان OPEC نىڭ كۈندىلىك دېڭىز تىرانسپورت نېفىت ئىكىسپورتى 3-ئاينىڭ 11-كۈنىگىچە بولغان 4 ھەپتىنىڭ ئىچىدە 160 مىڭ باك كېمەيگەن.
كونكېرىت سانلىق مەلۇماتلارغا ئاساسلانغاندا، 4-ئاينىڭ 8-كۈنىگىچە بولغان 4 ھەپتىنىڭ ئىچىدە، OPEC قا ئازا بولمىغان دۆلەتلەردىن ئومان ھەمدە يەمەننى ئۆز ئىچىگە ئالغان كۈندىلىك ئوتتۇرىچە دېڭىز تىرانسىپورت ئىكىسپورت مىقدارى 370 مىڭ باك كېمىيىپ، كۈنىگە 17 مىليۇن 50 مىڭ باك بولغان.
3-ئاينىڭ 17-كۈنى ۋىينادا ئېچىلغان تەكشۈرۈپ تەستىقلاش يىغىنىنىڭ نەتىجىسىگە ئاساسلانغاندا، بۇ يىل 2-ئايدا OPEC نىڭ ئىشلەپچىقىرىشنى كېمەيتىشنى ئىجرا قىلىش نىسبىتى %106 كە يەتكەن بولۇپ، ئىلگىرى ئېلان قىلغان ئايلىق دوكىلات بىلەن بىردەك ئىكەن. لىكىن OPEC قا ئەزا بولمىغان 11 نېفىت ئىشلەپچىقارغۇچى دۆلەتنىڭ 2-ئايدىكى ۋەزىپىنى تاماملاش نىسبىتى %64 بولغان.
ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.