ياۋرۇ رايونىدا قۇتقۇزۇش فوندىنىڭ ئايلىنىشى ياخشى بولدى

FX168 مالىيە-ئىقتىساد گېزىتى خەۋىرى، ئىلكان تورى تەرجىمىسى: رۇتېر ئاگېنتلىقىنىڭ جۈمە كۈنى (6-ئاينىڭ 16-كۈنى) دىكى دوكلاتىغا ئاساسلانغاندا، ياۋرۇپادىكى بىر مۇستەقىل باھالاش ئورگىنى پەيشەنبە كۈنى (6-ئاينىڭ 15-كۈنى) بىر پارچە دوكلات ئېلان قىلغان، دوكلاتتا كۆرسىتىلىشىچە، ياۋرۇ رايونى قۇتقۇزۇش فوندى ياۋرۇ رايونىدا پۇل-مۇئامىلە مۇقىملىقىدىن ئىبارەت مۇھىم ۋەزىپىنى ئەمەلگە ئاشۇرغان، ئەمما ئايلىنىش جەھەتتە يەنىمۇ ياخشىلاش بوشلۇقى بار ئىكەن.
دوكلاتقا ئاساسلانغاندا، ياۋرۇ گۇرۇھىنىڭ رەئىسى Jeroen Dijsselbloem بۇلتۇر ھاۋالە قىلىپ يازغان بۇ دوكلات-ياۋرۇپا پۇل-مۇئامىلە مۇقىملىق ئورگىنى (EFSF) ھەمدە كېيىن بۇ ئورگاننىڭ ئورنىنى ئالغان ياۋرۇپا مۇقىملىق مېخانىزىمى (ESM)نىڭ ئايلىنىش ئەھۋالىغا قارىتا تۇنجى قېتىم باھا بېرىشى ھېسابلىنىدىكەن. دوكلاتتا مۇنداق دەپ كۆرسىتىلدى: كرىزىسقا تاقابىل تۇرۇشتىكى باشقا تەدبىرلەرنىڭ قوللىشى ئاستىدا، EFSF/ESM ياۋرۇ رايونى ۋە باشقا ئەزا دۆلەتلەرنىڭ پۇل-مۇئامىلە مۇقىملىقىنى قوغداشنى ئەمەلگە ئاشۇرغان.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.