تاجىكىستان تۇنجى قېتىم سېمونت ئېكسپورت قىلدى

تاجىكىستان «Avesta» تور بېكىتىنىڭ خەۋىرىگە ئاساسلانغاندا، تاجىكىستان سانائەت ۋە تېخنىكىدا يېڭىلىق يارىتىش مىنىستىرلىقىنىڭ باش مىنىستىرى يېقىندا تاراتقۇلاردا دېيىشىچە، 2015-يىلى تاجىكىستان تۇنجى قېتىم ئافغانىستانغا 500 توننا سېمونت ئېكسپورت قىلغان. 2015-يىلى تاجىكىستاننىڭ يىللىق سېمونت ئىشلەپچىقىرىش مىقدارى 1 مىليون 400 مىڭ توننىدىن ئارتۇق بولۇپ، بۇنىڭ %77 ىنى جۇڭگو مەبلەغچىلىك كارخانىسى خۇاشىن سېمونت شىركىتى ئىشلەپچىقارغان. «تاجىكىستان سېمونت شىركىتى» نىڭ ئىشلەپچىقىرىش مىقدارى پەقەت %16 ىنى ئۆز ئىچىگە ئالغان. 2016-يىلى تاجىكىستاننىڭ يەنە 3 سېمونت شىركىتى ئىشلەپچىقىرىشقا كىرىشتۈرۈلىدىكەن. نۆۋەتتە، تاجىكىستاننىڭ يىللىق سېمونت ئېھتىياجى 2 مىليون توننىدىن ئارتۇق بولۇپ، ئۇزاق بولمىغان كەلگۈسىدە، سېمونت تاجىكىستاننىڭ ئاساسلىق ئېكسپورت قىلىدىغان تاۋارىغا ئايلىنىدىكەن.