IBM بافېتقا 700 مىليون دوللار زىيان سالدى

يېقىندا ئېلان قىلىنغان 2015-يىلى ئۈچىنچى پەسىللىك ئەڭ يېڭى مالىيە دوكلاتىدا كۆرسىتىلىشىچە، IBM نىڭ مەزكۇر پەسىللىك ئومۇمىي تىجارەت كىرىمى 19 مىليارد 280 مىليون دوللار بولۇپ، بۇلتۇرقى ئوخشاش مەزگىلدىكىدىن %13.9 تۆۋەنلىگەن، ھەمدە ئانالىزچىلارنىڭ مۆلچەرىدىكى 19 مىليارد 620 مىليون دوللاردىن تۆۋەن بولغان. بۇ IBM نىڭ ئۇدا 14 پەسىللىك مالىيە دوكلاتىدا ئېلان قىلغان تىجارەت كىرىمىنىڭ تۆۋەنلىشى.

تىجارەت ئەھۋالىنىڭ كاساتلىشىشى تۈپەيلىدىن، 10-ئاينىڭ 20-كۈنى IBM نىڭ پاي چېكىنىڭ بازار يېپىلغاندىكى باھاسى %5.75 تۆۋەنلەپ 140.64 دوللارغا چۈشكەن، «ئالدىن بىلگۈچى» دەپ ئاتالغان بافىتمۇ شۇ سەۋەبتىن 680 مىليون دوللار زىيان تارتتى.

بۇنىڭدىن سىرت، IBM نىڭ جۇڭگودىكى تىجارەت كىرىمى %17 تۆۋەنلىگەن بولۇپ، بىرازىلىيە، رۇسىيە، ھىندىستان ۋە جۇڭگو قاتارلىق يېڭى گۈللەنگەن بازاردىكى تىجارەت كىرىمى %30 ئەتراپىدا تۆۋەنلىگەن.

IBM نىڭ چۈشەندۈرۈشىچە، ئۆتكەن پەسىلدىكى تىجارەت كىرىمىنىڭ كاسات بولۇشىدىكى ئاساسلىق سەۋەبى يېڭى گۈللەنگەن بازا ئېھتىياجىنىڭ تۆۋەنلىشى ۋە دوللارنىڭ كۈچلۈك بولۇشى بىلەن مۇناسىۋەتلىك ئىكەن.