2018-يىلى جۇڭگونىڭ GDP قىممىتى %6.7 ئاشىدىغانلىقى مۆلچەرلەندى

ئاسىيا مەركىزى تورى: يېڭى يىل كىرگەندىن بۇيان نۇرغۇن ئاپپاراتلار جۇڭگو ئىقتىسادىنىڭ 2018-يىلى مۇقىم سەۋىيىنى ساقلايدىغانلىقى، GDP نىڭ ئېشىش سۈرئىتىنىڭ %6.7 ئەتراپىدا بولىدىغانلىقىنى، جۇڭگو ئىقتىسادىنىڭ مۇقىم ئارىلىققا قەدەم قويىدىغانلىقىنى مۆلچەرلىدى. جۇڭگو ئىجتىمائىي پەنلەر ئاكادېمىيىسى سانائەت ئىقتىساد تەتقىقات بۆلۈمى 2017-يىلى 4-پەسىللىك «جۇڭگو ئىقتىسادشۇناسلىقىدىكى قىزىق نۇقتىلار ئۈستىدە تەتقىقات دوكلاتى»نىڭ نەتىجىسىنى ئېلان قىلدى. بۇ قېتىمقى تەكشۈرۈش ۋە تەتقىقاتتا مەلۇم بولۇشىچە، ئىقتىسادشۇناسلار ئومۇميۈزلۈك ھالدا جۇڭگونىڭ 2017-يىلى پۈتۈن يىللىق ئىقتىسادىنىڭ ئېشىش سۈرئىتى %6.8 بولۇپ، 2018-يىلىدىمۇ مۇشۇ سەۋىيىنى ساقلايدىكەن. شۇنىڭ بىلەن بىر ۋاقىتتا، ئامېرىكا بىلەن ھىندىستاننىڭ ئىقتىسادىمۇ تېز سۈرئەتتە ئاشقان، ياۋرۇپا ئىتتىپاقى ئىقتىسادىنىڭ ئېشىش سۈرئىتى نىسبەتەن ئاستا بولغان.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.