ياۋروپا ئىتتىپاقىنىڭ ئالمىدىن باج تولۇقلاشنى تەلەپ قىلىشى ئاقىلانىلىكمۇ؟

يېقىندا، ياۋروپا ئىتتىپاقى كومىتېتى ئالما شىركىتىنى ئىرېلاندىيەدە باجدىن قاچتى دەپ كېسىم چىقىرىپ، ئالما شىركىتىدىن ئىرېلاندىيە ھۆكۈمىتىگە 14 مىليارد 500 مىليون ئامېرىكا دوللىرى باجنى تولۇقلاپ تاپشۇرۇشنى تەلەپ قىلدى. ياۋروپا ئىتتىپاقى كومىتېتىنىڭ دېيىشىچە ئالما شىركىتى ياۋروپا قىتئەسى، ئوتتۇرا شەرق، ئافرىقا ۋە ھىندىستاننىڭ زور كۆپ قىسىم جايلىرىدىكى سېتىش كىرىمىنى ئىرېلاندىيەدىكى ئىككى تارماق شىركىتىنىڭ ھېساباتىغا كىرگۈزگەن، بۇ ئارقىلىق ياۋروپا قىتئەسىدىكى زور كۆپ قىسىم پايدىنى ھېچقانداق دۆلەتكە تەۋە بولمىغان «باش شىتاب ئىشخانىسى» غا يۆتكىگەن، بۇنداق بولغاندا ئالما شىركىتى ئىرېلاندىيەنىڭ %12.5 لىك تاپاۋەت بېجىدىن قۇتۇلۇپ قالالايدىكەن. ئانالىزچىلارنىڭ دېيىشىچە بۇ ياۋروپا ئىتتىپاقى مۇناسىۋەتلىك ھوقۇققا ئېرىشكەندىن بۇيانقى سوممىسى ئەڭ يۇقىرى باج تولۇقلاشنى تەلەپ قىلىش ئىكەن.