ئالتۇن زىبۇ-زىننەت بۇيۇملىرىنىڭ سېتىلىش مىقدارى ئاشتى

FX168 مالىيە-ئىقتىساد گېزىتى خەۋىرى، ئىلكان تورى تەرجىمىسى: شىياڭگاڭدىكى ئاساسلىق ئۈنچە-مەرۋايىت پارچە سېتىش سودىگىرى – ليۇفۇ گۇرۇھىنىڭ يېقىندا ئېلان قىلغان دوكلاتىدا كۆرسىتىلىشىچە، 6-ئاينىڭ ئاخىرىغىچە تۇنجى مالىيە پەسلىدە پۈتۈن دۇكانلارنىڭ پارچە سېتىش نىسبىتى ئوخشاش مەزگىلدىكىدىن %5 ئاشقان. ئاساسىي سانى نىسبەتەن تۆۋەن بولغانلىقى ھەمدە ئالتۇن مەھسۇلاتلىرى تەمىنلەش تەدبىرىنىڭ تۈرتكىسىدە، ئالتۇن مەھسۇلاتلىرىنىڭ دۇكاندىكى سېتىلىش نىسبىتى ئاشقان.
ئىچكىرىدىكى دۇكانلارنىڭ پارچە سېتىش نىسبىتى ئالدىنقى بىر پەسىلدىكىدىن %23 ئاشقان، ئالتۇن ۋە ئۈنچە-مەرۋايىت بۇيۇملىرىنىڭ دۇكاندىكى سېتىلىش نىسبىتى ئايرىم-ئايرىم ھالدا %32 ۋە %10 ئاشقان.
شياڭگاڭ ۋە ئاۋمىن بازىرىدا سېتىلىش مىقدارى ئوخشاش مەزگىلدىكىدىن %3 ئاشقان، تۇنجى پەسىللىك ئۈنچە-مەرۋايىت بۇيۇملىرىنىڭ سېتىلىش نىسبىتى %9 دىن ئاشقان، ئالتۇن بۇيۇملىرىنىڭ دۇكاندىكى سېتىلىش نىسبىتىمۇ ئاشقان ھەمدە بىر يىلدىن كۆپرەك كاساتلىشىش ۋەزىيىتىدىن تەڭپۇڭ ھالەتكە قايتقان.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.