دۆلىتىمىزنىڭ ئالتۇنغا بولغان ئېھتىياجىدا يېڭى رېكورت يارىتىلدى

4-ئاينىڭ 29-كۈنىدىكى خەۋەرگە قارىغاندا، دۇنيا ئالتۇن جەمئىيىتى ئېلان قىلغان 2026-يىلى 1-پەسىللىك «يەرشارىۋى ئالتۇنغا بولغان ئېھتىياج يۈزلىنىشى دوكلاتى»دا كۆرسىتىلىشىچە، 1-پەسىلدە، جۇڭگو بازىرىنىڭ ئالتۇنغا مەبلەغ سېلىش ۋە ئىستېمال ئېھتىياجى (ئالتۇن زىبۇ-زىننەت بۇيۇملىرى، زىخچە ئالتۇن، ئالتۇن ETF ۋە سانائەتتە ئىشلىتىلىدىغان ئالتۇننى ئۆز ئىچىگە ئالىدۇ) ئومۇمىي مىقدارى 362 توننىغا يېتىپ، بۇلتۇرقى ئوخشاش مەزگىلدىكىدىن ％ 24 ئېشىپ، رېكورت يارىتىلغاندىن بۇيانقى ئوخشاش مەزگىلدىكى ئەڭ يۇقىرى سەۋىيە يارىتىلغان. ئومۇمىي جەھەتتىن ئېيتقاندا، ئالتۇنغا مەبلەغ سېلىشنىڭ بۆسۈش خاراكتېرلىك ئېشىشى ئالتۇن زىبۇ-زىننەت بۇيۇملىرى ئىستېمالىدىكى سۇسلىشىش ۋەزىيىتىنى تولۇق تۈگەتتى. سومما بويىچە ھېسابلىغاندا، 1-پەسىلدە جۇڭگونىڭ ئالتۇن ئىستېمال ئومۇمىي سوممىسى 3 تىرىليون 994 مىليارد 900 مىليون يۈەن خەلق پۇلىغا يېتىپ، ئوخشاشلا 1-پەسىلدىكى تارىختىكى يېڭى يۇقىرى سەۋىيەنى ياراتتى.تۈرلۈك ئېھتىياج ئومۇمىي سوممىسى، جۈملىدىن ئالتۇن زىبۇ-زىننەتلەرنىڭ ھەممىسىدە ياخشىلىنىش بولغان.