شەرقىي شىمالىي ئاسىيا رايونىدا خەۋپ - خەتەر كەيپىياتى كۈچىيىپ كۈمۈش باھاسى شىددەت بىلەن ئۆستى

ئامېرىكا ئارمىيىسىنىڭ ئىككى دانە بومباردىمانچى ئايروپىلانى چاۋشىيەن ئاسمىنىدىن ئۇچۇپ ئۆتتى ، ئامېرىكا تەرەپ بۇنى چاۋشيەننىڭ قىتئەلەر ئارا باشقۇرۇلىدىغان سىنارەدنى قويۇپ بېرىشىگە قايتۇرغان ئىنكاسىمىز دىدى . شۇنىڭدىن تارتىپ شەرقىي شىمالىي ئاسىيا رايونىنىڭ خەۋپ - خەتەر كەيپىياتى كۈچىيىپ، دۈشەنبە (7-ئاينىڭ 31-كۈنى) كۈمۈش باھاسى شىددەت بىلەن ئۆستى.

شۇ يەر ۋاقتى يەكشەنبە (7-ئاينىڭ 30-كۈنى ) ئامېرىكا ھاۋا ئارمىيىسى بايانات ئېلان قىلىپ ئامېرىكا ئارمىيىسىنىڭ ئىككى دانە كۆرۈنمەس ستراتېگىيىلىك بومباردىمانچى ئايروپىلانى B-1B چاۋشيەن يېرىم ئارىلىنىڭ ھاۋا بوشلۇقىدىن ئۇچۇپ ئۆتكەنلىكىنى بىلدۈردى ، بۇنىڭدىن بىر كۈن بۇرۇن چاۋشيەن سىناق تەرىقىسىدە « مارس ‏-14» تىپلىق قىتئەلەر ئارا ئۇچىدىغان باللىستىك باشقۇرۇلىدىغان سىنارەدنىڭ مۇۋپپەقىيەتلىك قويۇپ بېرىلگەنلىكىنى جاكارلىغان ئىدى . ھالبۇكى تۈنۈگۈن ئامېرىكا قويۇپ بەرگەن بومباردىمانچى ئايروپىلانى چاۋشيەننىڭ سىناق تەرىقىسىدە قويۇپ بەرگەن باشقۇرۇلىدىغان سنارەدگە قارىتا قايتۇرغان ئىنكاسى ئىكەن .
دىققەت قىلىشقا ئەرزىيدىغىنى شۇكى ، ئامېرىكا دۆلەت مۇداپىئە مىنىستىرلىكىنىڭ باياناتچىسى داۋىس باياناتتا : «چاۋشيەن قويۇپ بەرگەن سىنارەد تەخمىنەن 1000 كىلومېتىر ئۇچقاندىن كىيىن ياپۇن دېڭىز تەۋەلىكىگە كىرىدۇ ،بۇ ئامېرىكىغا ھىچ قانداق تەھدىت ئىلىپ كەلمەيدۇ ، ئەمما ئامېرىكا چاۋشيەننىڭ يېقىندا باشقۇرۇلىدىغان بومبا قويۇپ بېرىدىغانلىقىنى مۆلچەرلىدى » دېدى .

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.