APEC تەشكىلاتى يىغىنىغا قاتناشقان دۆلەت باشلىقلىرىنىڭ كېيىم-كېچىكىگە نەزەر

يەرشارى تورى ئاخبارات ئۇنىۋېرسال خەۋىرى: شۇ جاي ۋاقتى 2017-يىلى 11-ئاينىڭ 10-كۈنى، ۋېيتنام Danang، كۆپ دۆلەت رەھبەرلىرى APEC (ئاسىيا - تىنچ ئوكيان رايونىنىڭ ئىقتىساد - سودا ھەمكارلىق تەشكىلاتى) باشلىقلار يىغىنىنىڭ كەچلىك زىياپىتىگە قاتناشتى ھەمدە ئائىلىۋى سۈرەتكە چۈشتى. ئامېرىكا زۇڭتۇڭى تىرامپ ۋە رۇسيە زۇڭتۇڭى پۇتىن بۇ قېتىمقى ۋېيتنامنىڭ Danang دا ئۆتكۈزۈلگەن ئاسىيا - تىنچ ئوكيان رايونى ئىقتىساد - سودا ھەمكارلىق تەشكىلاتىنىڭ باشلىقلار يىغىنىدا رەسمىي ھالدا سۆھبەت ئۆتكۈزمىگەن بولسىمۇ، ئەمما ئىككى دۆلەت رەھبەرلىرى ئوپچە سۈرەتكە چۈشۈش جەريانىدا قىزغىن قول ئېلىشىپ كۆرۈشتى.

شۇ جاي ۋاقتى 2015-يىلى 11-ئاينىڭ 18-كۈنى، فىلىپپىن مانىلادا ئۆتكۈزۈلگەن ئاسىيا - تىنچ ئوكيان رايونى ئىقتىساد - سودا ھەمكارلىق تەشكىلاتىنىڭ باشلىقلار يىغىنىدا، كۆپ دۆلەت رەھبەرلىرى فىلىپپىننىڭ ئەنئەنىۋى مىللىيچە كېيىمىنى كېيىپ ئوپچە سۈرەتكەن چۈشكەن ئىدى.

شۇ جاي ۋاقتى 2013-يىلى 10-ئاينىڭ 7-كۈنى، ھىندونېزىيەنىڭ بالى ئارىلىدا ئۆتكۈزۈلگەن ئاسىيا - تىنچ ئوكيان رايونى ئىقتىساد - سودا ھەمكارلىق تەشكىلاتىنىڭ باشلىقلار يىغىنىدا، ھەرقايسى دۆلەت رەھبەرلىرى بالىنىڭ ئەنئەنىۋى تۇقۇلما كېيىمىنى كىيىپ سۈرەتكە چۈشكەن ئىدى.

2004-يىللىق ئاسىيا - تىنچ ئوكيان رايونى ئىقتىساد - سودا ھەمكارلىق تەشكىلاتىنىڭ باشلىقلار يىغىنى چىلىدا ئۆتكۈزۈلگەن بولۇپ، ھەرقايسى دۆلەت رەھبەرلىرى چىلىنىڭ مىللىيچە ئەنئەنىۋى كىيىمىنى كەيگەن بولۇپ، ئېگىلىنىشىچە، بۇ خىل ئەنئەنىۋى كېيىمنى ئاياللار ئۇدا تۆت ئاي ئىشلىسە ئاندىن پۈتتۈرەلەيدىكەن.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.