نېفىت باھاسىنىڭ ئۆرلىشى ئىشلەپچىقىرىشنى ئىلگىرى سۈرەلمىدى

FX168 ئىقتىساد گېزىتى خەۋىرى ئىلكان تورى تەرجىمىسى: جۇڭگو سىتاتىستىكا ئىدارىسىنىڭ 3-ئاينىڭ 14-كۈنى ئېلان قىلغان سانلىق مەلۇماتىدا كۆرسىتىشىچە، نېفىت باھاسىنىڭ ئۆرلىشى دۆلەتتىكى قىدېرىش سودىگەرلىرىنى نېفىت قۇدۇقىغا باشلاپ ئەكىلەلمىگەنلىكتىن، جۇڭگونىڭ 2-ئايلىق نېفىت ئىشلەپچىقىرىش مىقدارى بۇلتۇر 10-ئايدىن بۇيانقى تۆۋەن سەۋىيەگە چۈشۈپ قالدى.
دۆلەتلىك سىتاتىستىكا ئىدارىسىنىڭ سانلىق مەلۇماتىدا كۆرسىتىشىچە، 2017-يىلى 1-ئايدىن 2-ئايغىچە جۇڭگو نېفىت كۈندىلىك ئوتتۇرىچە ئىشلەپچىقىرىش مىقدارى %1.5 چۈشۈپ، كۈنىگە 3 مىليۇن 910 مىڭ باك بولغان بولۇپ، ئالدىنقى يىلدىكىگە قارىغاندا %8 چۈشكەن. شۇنىڭ بىلەن بىر ۋاقىتتا ئالدىنقى 2 ئاينىڭ ئىچىدە جۇڭگونىڭ نېفىت پىششىقلاش مىقدارى ئوخشاش مەزگىلدىكىدىن %0.3 چۈشۈپ، كۈنىگە 11 مىليۇن 280 مىڭ باك بولغان.
Sanford C. Bernstein & Co نىڭ شياڭگاڭدا تۇرۇشلۇق تەھلىلچىسى Neil Beveridge نىڭ كۆرسىتىشىچە:«نېفىت باھاسى ھەر باكىنىڭ باھاسى 50 دوللار بولغان شارائىت ئاستىدا، جۇڭگونىڭ نېفىت ئىشلەپچىقىرىش مىقدارى مۇقىم بولىدىكەن، نېفىت باھاسى 60 دوللارلىق ئۆتكەلنى بۆسۈپ ئۆتكەندە، ئىشلەپچىقىرىش مىقدارى ئۆرلىمەيدىكەن.
2016-يىلى جۇڭگو خام نېفىت ئىشلەپچىقىرىش مىقدارى ئوخشاش مەزگىلدىكىدىن %6.9 چۈشكەن بولۇپ 199 مىليۇن 700 مىڭ توننا بولغان، چۈنكى تۆۋەن بولغان نېفىت باھاسى قىدېرىش سودىگەرلىرىنىڭ چىقىمىنى تىجەيدىكەن. دۆلەتلىك ئېنېرگىيە ئىدارىسىنىڭ 2-ئايدا ئېلان قىلغان پىلاىىغا ئاساسلانغاندا، دۆلىتىمىز 2017-يىلى 200 مىليۇن توننا نېفىت ئىشلەپچىقرىشنى پىلانلىغان.
بۈگۈنكى سانلىق مەلۇماتلاردىن قارىغاندا، جۇڭگونىڭ 2017-يىلى 1-ئايدىن 2-ئايغىچە بولغان خام نېفىت ئىشلەپچىقىرىش مىقدارى 31 مىليۇن 440 مىڭ توننا بولغان، چەككىلەنگەن نېفىت 90 مىليۇن 760 مىڭ توننا بولغان.
ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.