فرانسىيە بۇغداي باھاسى يۇقىرى ئۆرلىدى

ئۆتكەن بىر ھەپتىدە فرانسىيە بۇغداي باھاسى داۋاملىق يۇقىرى ئۆرلىدى، سەۋەبى قاتتىق يامغۇر فرانسىيە بۇغداي زىرائىتىنى زىيانغا ئۇچراتقان. نۆۋەتتە فرانسىيە بۇغداي باھاسى قارا دېڭىز بۇغداي باھاسىدىنمۇ يۇقىرى بولدى.

فرانسىيە يېزا-ئىگىلىك مىنىستىرلىكىگە قاراشلىق يېزا-ئىگىلىك ئىش بېجىرىش ئىشخانىسى ئېلان قىلغان سانلىق ئۇچۇردا كۆرسىتىلىشىچە، ئالدىنقى ھەپتىلىك فرانسىيە پورتىدىكى بۇغداي （ئاقسىل تەركىبى %11 بولغان） باھاسى ھەر توننىسى 176.52 ياۋرۇ بولۇپ، توختام باھاسى ھەر توننىسى 187.82 دوللار بولغان، بۇ ئالدىنقى بىر ھەپتىدىكىدىن %0.6 ئاشقان بولۇپ، 11- ئاينىڭ 21- كۈنىدىكى يىل ئىچىدىكى يۇقىرى نۇقتىغا يېقىنلاشقان.

روسىيە يېزا-ئىگىلىك بازار تەتقىقات مەركىزى （ IKAR）نىڭ سانلىق ئۇچۇرىدا كۆرسىتىلىشىچە، ئالدىنقى ھەپتە ئاخىرلاشقۇچە، ئاقسىل تەركىبى %12.5 بولغان روسىيە بۇغداينىڭ قارا دېڭىز باھاسى ھەر توننىسى 184 دوللار بولغان بولۇپ، ئالدىنقى ھەپتىدىكىدىن 1 دوللار ئاشقان.

ئوكرانىيە تەھلىلچى ئورگىنىنىڭ ئېيتىشىچە، ئالدىنقى ھەپتە پەيشەنبە كۈنىگىچە، بۇغداي باھاسى （ ئاقسىل تەركىبى %12.5 بولغان） ھەر توننىسى 183 دوللاردا مۇقىملاشقان.