يېللىننىڭ گۇۋاھلىق سۆزى شياڭگاڭنىڭ ئۆي-جاي بازىرىغا زور تەسىر كۆرسەتتى

مالىيە-ئىقتىساد گېزىتى خەۋىرى، ئىلكان تورى تەرجىمىسى: ئامېرىكا فېدېراتسىيە زاپاس پۇل كومىتېتىنىڭ رەئىسى يېللىن ئۇدا ئىككى كۈن پارلامېنتتا گۇۋاھلىق سۆزى بەردى، دەسلەپكى كۈنى فېدېراتسىيە كومىتېتى فوند ئۆسۈم نىسبىتىنىڭ بارا-بارا ئۆسىدىغانلىقىنى، ئەمما ئۆسۈم قوشمىغان ئەھۋالدىمۇ ئوخشاشلا نېيتىرال سەۋىيىگە يەتكىلى بولىدىغانلىقىنى، شۇنداقلا يەنە ئەگەر فېدېراتسىيە كومىتېتى پۇل پاخاللىقى %2 لىك نىشانغا يەتمەيدۇ دەپ قارىسا، ئاندىن ئۆسۈم نىسبىتىنى تەڭشەش سىياسىتىنى قوللىنىدىغانلىقىنى بىلدۈردى. يېللىننىڭ كۈتۈلمىگەن «يۇمشاق قول» پوزىتسىيەسى شياڭگاڭنىڭ تازا جانلىنىۋاتقان ئۆي-جاي بازىرىنى تېخىمۇ قىزىتىۋەتتى.
يېللىننىڭ گۇۋاھلىق سۆزىدىن كېيىن، شىياڭگاڭ-ئامېرىكا ئۆسۈم پەرقىنىڭ زورىيىش سۈرئىتى ئاستىلىدى، يۈرۈش ئۆسۈم پائالىيىتى ئاستىلىدى، ئامېرىكا دوللىرى بىلەن شياڭگاڭ پۇلىنىڭ پېرېۋوت نىسبىتى چارشەنبە كۈنى (7-ئاينىڭ 13-كۈنى) تۆۋەنلەپ تەخمىنەن 7.814 نۇقتا ئەتراپىدا بولدى.
ئامېرىكا فېدېراتسىيە زاپاس پۇل كومىتېتىنىڭ ئۆسۈم قوشۇشتىكى يۇمشاق پوزىتسىيىسى شىياڭگاڭنىڭ ئۆي-جاي بازىرىنى جانلاندۇرۇۋەتتى. ئەڭ يېڭى مەلۇماتقا ئاساسلانغاندا، بۇ يىلنىڭ ئالدىنقى يېرىمىدا ئوتتۇرا كىچىك تىپتىكى تۇرالغۇ ئۆي باھاسى تەخمىنەن %8.5 ئۆسكەن بولۇپ، كېيىنكى يېرىم يىلدا ئۆي باھاسىنىڭ ئۆسۈش نىسبىتى تۆۋەنلەيدىكەن، 3-پەسىلدە ئۆي باھاسى %5~%3 تۆۋەنلەيدىغانلىقى مۆلچەرلەندى. ئەمما ئۆي باھاسى يۇقىرى بولغان ھالەتتىمۇ نۆۋەتتە قەرز نىسبىتى نىسبەتەن تۆۋەن، ئۆسۈم نىسبىتىمۇ تۆۋەن نۇقتىدا بولغاچقا، ئۇنىڭ ئۈستىگە ئۆي-جاي بازىرى ياخشى، بازار مەبلىغى كۆپ بولغاچقا، ئۆي باھاسىنىڭ زور دەرىجىدە ئەسلىگە كېلىشى تەس بولۇشى مۇمكىن.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.