جۇڭگودا ئۆي-مۈلۈك بېجى يولغا قويۇلىدۇ

يەرشارى تورى ئاخبارات ئۇنىۋېرسال خەۋىرى: جۇڭگو مالىيە مىنىستېرلىقىنىڭ مىنىستېرى شياۋ جيېنىڭ خەلق گېزىتىدە ئېلان قىلغان «ئۆي-مۈلۈك بېجى قانۇنىنى تۇرغۇزۇش ۋە يولغا قويۇش» ناملىق دوكلاتى جەمئىيەتتە كۈچلۈك ئىنكاس پەيدا قىلدى.
دوكلاتتا «ئاۋۋال قانۇن تۇرغۇزۇش، تولۇق ھوقۇق بېرىش، تەدرىجىي ئىلگىرى سۈرۈش» پرىنسىپىغا ئاساسەن، ئۆي-مۈلۈك بېجى قانۇنىنى تۇرغۇزۇش ۋە يولغا قويۇش ئۈستىدە مۇھاكىمە ئېلىپ بېرىلغان ھەمدە تاۋار ئۆي ۋە خۇسۇسىي تۇرالغۇلارغا قارىتا، قىممىتىنى باھالاپ ئۆي-زېمىن بېجى ئېلىش، قۇرۇلۇش ۋە سودا ھالقىسىدىكى باج يۈكىنى مۇۋاپىق يەڭگىللىتىش ئوتتۇرغا قويۇلغان.
دوكلاتتا يەنە ئۆي-زېمىن بېجىنىڭ تۇرغۇزۇلۇش ۋاقىت جەدىۋىلى كۆرسىتىلگەن بولۇپ، يېڭىدىن ئوتتۇرغا قويۇلغان باج تۈرى 2019-يىلى بارلىق قانۇنىي تەرتىپلىرى تاماملىنىش، 2020-يىلى ئۆي-زېمىن بېجى قانۇنىنى يولغا قويۇشتىكى قانۇنىي پىرىنسىپلىق ئىسلاھات ۋەزىپىسىنى تاماملاش ئوتتۇرغا قويۇلغان.
مەملىكەتلىك خەلق ۋەكىللەر قۇرۇلتىيى مالىيە-ئىقتىساد كومىتېتىنىڭ ئەزاسى لى ياڭنىڭ قارىشىچە ئۆي-زېمىن بېجى ئۇنداق تېز ئوتتۇرغا چىقمايدىكەن. لى ياڭنىڭ بىلدۈرۈشىچە، ئۆي-زېمىن بېجىنى يولغا قويۇش ئۈچۈن ئالدى بىلەن مەملىكەتلىك خەلق ۋەكىللىرى قۇرۇلتىيى دائىمىي كومىتېتىنىڭ قانۇن چىقىرىش كۈنتەرتىپىگە قويۇلىدىكەن، ئاندىن كۆپ قېتىم قاراپ چىقىلىدىكەن، ئۇنىڭدىن باشقا، ئۆي-زېمىن بېجى تۇرغۇزۇشتىن بۇرۇن جەزمەن ئۆي-زېمىن باھالىنىدىكەن، بۇنىڭغا نۇرغۇن ۋاستىچى ئورۇنلارنىڭ قاتنىشىشى زۆرۈر بولىدىكەن.
دوكلاتنىڭ مەزمونىدىن قارىغاندا، نۆۋەتتە ئۆي-زېمىن بېجى سىناق قىلىنغان چوڭچىڭ قاتارلىق جايلارنىڭ ئەھۋالىدىن قارىغاندا، ئۆي-زېمىن بېجىنىڭ قاراتمىسى قولىدا كۆپ يۈرۈش ئۆي بولغان ئۆي-مۈلۈك سودىگەرلىرى بولۇپ، مۇۋاپىق ساندا تۇرالغۇسى بار ئادەتتىكى كىشىلەر باج ئېلىش دائىرىسىگە كىرگۈزۈلمىگەن.
دوكلاتتا تەھلىل قىلىنىشىچە، ئۆي-زېمىن بېجى ئۆي سېتىۋىلىش كۆزلىمىسىنى ئۈنۈملۈك يىتەكلەپ، ئۆي-مۈلۈك سودىسىدىكى نامۇۋاپىق ئەھۋاللارنى ئازايتىدىكەن، شۇنداقلا ئۆي باھاسىنىڭ ئۆرلەش بېسىمىنى يېنىكلىتىدىكەن.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.