«ئامانەت - قەرز كاپالىتى سۇغۇرتا كەسپىنى نازارەت قىلىپ باشقۇرۇش ۋاقىتلىق چارىسى» ئېلان قىلىندى

ئامانەت - قەرز كاپالىتى سۇغۇرتا كەسپىنى نازارەت قىلىپ باشقۇرۇشنى كۈچەيتىش، ئامانەت - قەرز كاپالىتى سۇغۇرتا كەسپىنىڭ تىجارەت پائالىيىتىنى يەنىمۇ قېلىپلاشتۇرۇش، پۇل-مۇئامىلە گىرەلەشمە خەۋپ-خەتىرىدىن مۇداپىئە كۆرۈش، ئامانەت - قەرز كاپالىتى سۇغۇرتا كەسپىنىڭ داۋاملىق ساغلام تەرەققىي قىلىشىنى ئىلگىرى سۈرۈش ئۈچۈن، جۇڭگو سۇغۇرتا نازارەت قىلىپ باشقۇرۇش كومىتېتى «ئامانەت - قەرز كاپالىتى سۇغۇرتا كەسپىنى نازارەت قىلىپ باشقۇرۇش ۋاقىتلىق چارىسى»نى ئېلان قىلىپ، ئېكسپورت كرېدىتى سۇغۇرتىسىدىن باشقا ئامانەت - قەرز كاپالىتى سۇغۇرتا كەسپىنى ئومۇميۈزلۈك قېلىپلاشتۇردى.
«ئامانەت - قەرز كاپالىتى سۇغۇرتا كەسپىنى نازارەت قىلىپ باشقۇرۇش ۋاقىتلىق چارىسى»نىڭ ئېلان قىلىنىشى – نۆۋەتتە مەزكۇر ساھەدىكى قالايمىقان ئەھۋاللارنى تۈزەش، سېستىمىلىق خەۋپ-خەتەرنىڭ ئالدىنى ئېلىشتىكى ئۈنۈملۈك تەدبىر، شۇنداقلا كەسپ خەۋپ-خەتىرىنى باشقۇرۇش سەۋىيىسىنى يۇقىرى كۆتۈرۈشتىكى مۇھىم تۈزۈم ئورۇنلاشتۇرۇشى ھېسابلىنىدۇ. كېيىنكى قەدەمدە، جۇڭگو سۇغۇرتا نازارەت قىلىپ باشقۇرۇش كومىتېتى خەۋپ-خەتەرنى كونترول قىلغىلى بولىدىغان شارائىت ئاستىدا، سۇغۇرتا شىركىتىنى ئامانەت - قەرز كاپالىتى سۇغۇرتا كەسپىنى پۇختا قەدەمدە تەرەققىي قىلدۇرۇشىقا داۋاملىق رىغبەتلەندۈرۈش بىلەن بىللە، «ئامانەت - قەرز كاپالىتى سۇغۇرتا كەسپىنى نازارەت قىلىپ باشقۇرۇش ۋاقىتلىق چارىسى»نىڭ ئىجرا قىلىنىش ئۈنۈمىگە ئالاھىدە كۆڭۈل بۆلىدۇ، نازارەت قىلىپ باشقۇرۇش دەرىجىسىنى يەنىمۇ زورايتىپ، سۇغۇرتا شىركىتىنىڭ ئامانەت - قەرز كاپالىتى سۇغۇرتا كەسپىنى داۋاملىق ساغلام تەرەققىي قىلدۇرۇشىنى، ئەمەلىي ئىقتىساد، دۆلەت ئىقتىسادى ۋە خەلق تۇرمۇشى ئۈچۈن تېخىمۇ ياخشى مۇلازىمەت قىلىشىنى ئىلگىرى سۈرىدۇ.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.