شىۋېتسارىيەنىڭ 3-ئايلىق ئالتۇن ئېكىسپورت مىقدارى ئاشتى

شىۋېتسارىيە فېدېراتسىيە تاموژنىسىنىڭ پەيشەنبە كۈنىدىكى ئورگان سانلىق مەلۇماتىدىن قارىغاندا، 3-ئايدا شىۋېتسارىيەنىڭ ئومۇمى ئالتۇن ئېكىسپورت ھالقىما نىسبىتى %57 ئېشىپ 140.3 توننىغا يەتكەن، 2-ئايدىكىسى 89.5 توننا.

ئايرىم تۈر سانلىق مەلۇماتىدىن قارىغاندا، 3-ئايدا شىۋېتسارىيە ھىندىستانغا 55.6 توننا ئالتۇن ئېكىسپورت قىلغان بولۇپ، 2-ئايدىكى 37.9 توننىغا سېلىشتۇرغاندا ئاشقان؛ جۇڭگو چوڭ قۇرۇقلۇقىغا 24 توننا ئالتۇن ئېكىسپورت قىلغان بولۇپ، 2-ئايدىكى 22 توننىغا سېلىشتۇرغاندا ئاشقان؛ ئوخشاشلا، شىياڭگاڭغا 24.5 توننا ئالتۇن ئېكىسپورت قىلغان بولۇپ، 2-ئايدىكى 7.4 توننىغا سېلىشتۇرغاندا ئاشقان.

شىياڭگاڭ سىتاتىستىكا ئىدارىسىنىڭ سەيشەنبە كۈنى ئېلان قىلغان سانلىق مەلۇماتىدىن قارىغاندا، سېتىۋالغۇچىلار ئالتۇن باھاسىنىڭ 3-ئايدىكى چۈشۈپ كەتكەن پۇرسىتىدىن پايدىلىنىپ ئالتۇن سېتىۋالغان، جۇڭگو چوڭ قۇرۇقلۇقى شۇ ئايدا شىياڭگاڭدىن ئېمپورت قىلغان ئالتۇن كۆلىمى 2015-يىلى 12-ئايدىن بۇيانقى ئەڭ يۇقىرى سەۋىيەگە يەتكەن.

سانلىق مەلۇماتتىن قارىغاندا، جۇڭگو چوڭ قۇرۇقلۇقى 3-ئايدا شىياڭگاڭدىن ساپ ئىمپورت قىلغان ئالتۇن مىقدارى 107.4 توننا بولۇپ، 2-ئايدىكى ئېمپورت مىقدارىدىن ئىككى ھەسسە كۆپ. بۇنىڭ ئىچىدە، 3-ئايدا جۇڭگو چوڭ قۇرۇقلۇقى شىياڭگاڭدىن جەمئىي 117.6 توننا ئالتۇن ئېمپورت قىلغان، 2-ئايدىكىسى 49.7 توننا؛ شىياڭگاڭغا ئېكىسپورت قىلغان ئالتۇن مىقدارى 10.2 توننا، 2-ئايدىكىسى 2.05 توننا.

ئېمپورت جەھەتتە، شىۋېتسارىيە فېدېراتسىيە تاموژنىسى بۇ يىل 3-ئايدا شىۋېتسارىيەنىڭ ئومۇمى ئالتۇن ئېمپورتى 194.9 توننىغىچە ئاشتى، 2-ئايدىكىسى 186.9 توننا. بىراق 3-ئايدا شىۋېتسارىيە ئەنگىلىيەدىن ئېمپورت قىلغان ئالتۇن مىقدارى 25.4 توننىغىچە كېمەيدى، 2-ئايدىكىسى 30.3 توننا، دېگەن.

ئەسكەرتىش:مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۆچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.