تانزانىيەنىڭ بۇلتۇر 4-پەسىللىك ئالتۇن ئىشلەپچىقىرىش مىقدارى ئاشتى

FX168 ئىقتىساد گېزىتى خەۋىرى ئىلكان تورى تەرجىمىسى: تانزانىيە مەركىزى بانكىسىنىڭ 3-ئاينىڭ 20-كۈنى ئېلان قىلغان سانلىق مەلۇماتىغا ئاساسلانغاندا، 2016-يىلىنىڭ ئاخىرقى 3 ئېيىنىڭ ئىچىدە، بۇ دۆلەتنىڭ ئالتۇن ئىشلەپچىقىرىش مىقدارى ئېشىپ، 12 مىڭ 26 كىلوگىرام بولغان بولۇپ، ئالدىنقى يىلىنىڭ ئوخشاش مەزگىلدىكى 10 مىڭ 512 كىلوگىرامدىن %14 ئاشقان.
شۇنىڭ بىلەن بىر ۋاقىتتا، سانلىق مەلۇماتلاردا كۆرسىتىلىشىچە، 2016-يىلى 10-ئايدىن 12-ئايغىچە تانزانىيەنىڭ ئالتۇن ئېكىسپورت سوممىسى ئوخشاش مەزگىلدىكىدىن %54.8 ئاشقان بولۇپ، 437 مىليۇن 600 مىڭ ئامېرىكا دوللىرى بولغان. شۇ مەزگىللىك دائىمىي ھىسابات قىزىل رەقىمى ئازىيىپ، 200 مىليۇن ئامېرىكا دوللىرىغا چۈشكەن. 2015-يىلىدىكى ئوخشاش مەزگىلدە 359 مىليۇن 300 مىڭ ئامېرىكا دوللىرى بولغان.
بۇنىڭدىن باشقا يەنە، تانزانىيەنىڭ بۇلتۇر 4-پەسىلدىكى GDP سى %6.2 ئۆرلەپ، 2015-يىلى ئوخشاش مەزگىلدىكى %7.3 تىن تۆۋەن بولغان؛ شەخس ئىناۋەتلىك قەرزىنىڭ ئېشىش سۈرئىتى 2015-يىلى ئوخشاش مەزگىلدىكى %24.8 تىن چوڭ دائىرىدە كېمىيىپ، %7.2 بولغان.
بۇنىڭدىن ئىلگىرى تانزانىيە مەركىزى بانكىسىنىڭ 3-ئاينىڭ 10-كۈنىدىكى مۇراجىئەتنامىسىدە ئېيتىلىشىچە، ئالتۇن باھاسىنىڭ ئەسلىگە كىلىشىغا ئەگىشىپ، بۇ دۆلەتنىڭ ئالتۇن ئېكىسپورتى چوڭ دائىرىدە ئاشقان بولۇپ، دائىمىي ھىسابات قىزىل رەقىمىنىڭ كېمىيىشىگە ياردەم بەرگەن.
مۇراجىئەتنامىدە كۆرسىتىلىشىچە، 2017-يىلى 1-ئايدا تانزانىيەنىڭ ئالتۇن ئېكىسپورت سوممىسى %30 ئېشىپ، 1 مىليارد 500 مىليۇن ئامېرىكا دوللىرىغا يەتكەن؛ شۇنىڭ بىلەن بىر ۋاقىتتا، بۇ دۆلەتنىڭ 1-ئايدىكى دائىمىي ھىسابات قىزىل رەقىمى چوڭ دائىرىدە كېمىيىپ، 1 مىليارد 800 مىليۇن ئامېرىكا دوللىرى بولغان.
ئەسكەرتىش: مەزكۇر ماقالە ئىلكان تورى تەرپىدىن تەرجىمە قىلىنغان،قالايمىقان كۈچۈرۈشكە ۋە ئۆزگەرتىپ تارقىتىش بىردەك چەكلىنىدۇ ئەگەر يۇقىرىقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىندۇ.