چاۋشيەننىڭ قارارىدىن كېيىن ئالتۇن باھاسى چۈشۈشتىن ۋاقتىنچە توختىدى

چاۋشيەن مەركىزىي ئاگېنتلىقىنىڭ 5-ئاينىڭ 16-كۈنىدىكى خەۋىرىگە قارىغاندا، چاۋشيەن كورىيە بىلەن ئامېرىكىنىڭ يېقىندا چاۋشيەنگە قارشى كەڭ كۆلەملىك بىرلەشمە ھەربىي مانىۋېر ئۆتكۈزۈشىنى بىرخىل ھەربىي ئېغۋاگەرچىلىك دەپ قاراپ، 16-كۈنى ئۆتكۈزۈلىدىغان شىمال-جەنۇب يۇقىرى دەرىجىلىكلەر سۆھبەت يىغىنىنى بىكار قىلغان.
چاۋشيەن مەركىزىي ئاگېنتلىقىنىڭ 5-ئاينىڭ 17-كۈنىدىكى خەۋىرىگە قارىغاندا، چاۋشيەن ۋەتەننى تىنىچلىق بىلەن بىرلىككە كەلتۈرۈش كومىتېتىنىڭ باشلىقى لى شەنچۈەن شۇ كۈنى مۇنۇلارنى بىلدۈرگەن: شىمال-جەنۇب يۇقىرى دەرىجىلىكلەر سۆھبەت يىغىنىنى توختىتىشنى كەلتۈرۈپ چىقارغان يامان ئەھۋال ھەل قىلىنمىسا، كورىيە بىلەن قايتا سۆھبەتلىشىشىمىزمۇ تەسكە توختايدۇ. بۇندىن كېيىن شىمال-جەنۇبنىڭ مۇناسىۋىتى كورىيەنىڭ ئىپادىسىگە باغلىق. لى شەنچۈەن مۇخبىرلارنىڭ سۇئالىغا جاۋاب بەرگەندە مۇنداق دېدى: چاۋشيەن 5-ئاينىڭ 16-كۈنى كورىيەگە مەسئۇل بولۇش تەدبىرىنى قوللىنىش توغرىسىدا ئۇقتۇرۇش چىقاردى. چاۋشيەن شىمال-جەنۇب يۇقىرى دەرىجىلىك سۆھبەت يىغىنىنى قەرەلسىز كەينىگە سۈرىدۇ ھەمدە چاۋشيەن مەركىزىي ئاخبارات ئاگېنتلىقى ئارقىلىق بۇ توغرىسىدا ئەھۋاللارنى ئاشكارىلايدۇ. چاۋشيەننىڭ كورىيە-چاۋشيەن يۇقىرى دەرىجىلىكلەر سۆھبەت يىغىنىنى كېچىكتۈرىدىغانلىقى توغرىسىدىكى خەۋەر بازارنىڭ خەۋپ-خەتەر كەيپىياتىنى كۈچەيتتى، نەتىجىدە ئالتۇننىڭ چۈشۈشى ۋاقتىنچە تىزگىنلەندى.

ئەسكەرتىش: مەزكۇر ماقالە ئىلكان تورى تەرىپىدىن تەرجىمە قىلىنغان، قالايمىقان كۆچۈرۈش ۋە ئۆزگەرتىپ تارقىتىش بىردەك چەكلىنىدۇ، ئەگەر يۇقىرقىدەك ئەھۋاللار بايقالسا قانۇنىي جاۋابكارلىقى سۈرۈشتە قىلىنىدۇ.